Ministri i Brendshëm, Taulant Balla paralajmëron ndryshime të “Kodit Penal”, në kuadër të paketës se re te ndermare për sigurinë maksimale në shkollat e vendit.
Pasi përgëzoi policinë për rezultatet e megaoperacionit anti-drogë në mbarë vendin, Balla tha se do të propozojë dyfishim të dënimeve në kodin penal, për krime që ndodhin brenda perimetrit të sigurisë në shkolla.
“Dua të garantoj sot, prindërit që dërgojnë fëmijët në shkolla, se paketa jonë po jep rezultatet e para dhe se ne do bëjmë cka është e mundur për të garantuar që brenda këtij perimetri sigurie grupet kriminale të mos afrohen. Ne do bëjmë publike edhe propozimet për ndryshime në kodin penal, për 2-fishim të dënimit të krimive që ndodhin në perimetrin e sigurisë në shkolla, ku fokusi i vecantë mbetet dyfishimi I të gjitha formave të dënimit, për shpërndarjen e lëndëve narkotike brenda perimetrit të sigurisë në shkolla. ky është vetëm fillimi e nxis policinë e shtetit ta ruajë këtë ritëm të ri të luftës kundër trafikut të lëndëve narkotike” tha Balla.
