Ndryshimet në Kodin Penal, i cili prej muajsh është duke u punuar nga një grup i gjerë ekspertësh, pritet të preke edhe rregullat e qarkullimit rrugor.
‘Report tv’ ka siguruar një pjesë të draftit ku vihet re një shtim të numrit të veprave penale si në fushën e qarkullimit rrugor por edhe në fusha të tjera të cilat më parë nuk kanë qenë përfshirë si vepra penale.
Ekspertët kanë propozuar që të bëhen të dënueshme si vepra penale: ‘Parakalim i gabuar’, drejtimi i mjeteve duke mos respektuar sinjalistikës, drejtimi i mjeteve në mënyrë të parregullt të cilat mund të vënë në rrezik, shëndetin dhe integritetin trupor të një personi ose të një prone me vlere të konsiderueshme. Për këto parashikohet dënimi nga gjobë deri në 3-vjet burg.
Një tjetër ndryshim i propozuar ka të bëje edhe me mungesat e avokatëve në proceset gjyqësore pa një shkak të arsyeshëm apo të ligjshëm, në një çështje që është me të paraburgosur duke sjellë pezullim të gjykimit.
Kjo përbën kundravajtje penale dhe dënohet me gjobë ndërsa nëse kryhet për here të dyte dënohet me qortim gjyqësor. Prej kohesh një grup pune në Ministrinë e Drejtësisë është duke punuar për Kodin e ri Penal me përfaqësues të shkollës së magjistraturës dhe ekspertë të fushës.
