Kryeministri shqiptar, Edi Rama do të kthehet në të parin kryetar qeverie të Tiranës, i cili viziton godinën e famshme kryeministrore britanike në “10 Downing Street”, ku do të diskutojë me homologun e tij britanik Rishi Sunak, çështje me rëndësi themelore për të dyja palët, mes të cilave edhe ajo e shumëpërfolur e emigrantëve.
Mirëpo, Rama nuk është një kryeministër i zakonshëm dhe i rëndomtë, pasi me përzierjen që ai i bën artit vizual dhe atij të politikës, veçohet prej të tjerëve. Pikërisht mbi këtë, prestigjiozja britanike “The Guardian”, i ka kushtuar një artikull, ku përshkruan se si në dy ditë, Rama vetë kalon nga prezantimi i një ekspozite në Athinë, me skicat e tija shumëngjyrëshe, tek takimi kokë më kokë me Sunak dhe zyrtarë të tjerë të lartë në Mbretërinë e Bashkuar.
“Artisti i botës së votimit: Kryeministri shqiptar Edi Rama mikson ngjyrat me politikën”, ky është titulli si shkrimit të prestigjiozes britanike “The Guardian”.
