Kryeministri Edi Rama zbardh takimin e kryetarin e Kuvendit në Angli, Lindsay Hoyle dhe thotë se ky i fundit i ka shprehur keqardhjen për retorikën shqetësuese që është përdorur ndaj shqiptarëve nga politikanët britanikë.
Të dy liderët kanë nënvizuar domosdoshmërinë e luftës së përbashkët kundër rrjeteve kriminale, ndërsa kryeparlamentari britanik ka theksuar vlerat e pamohueshme të komunitetit shqiptar në Angli. Lindsay Hoyle ngriti lart rolin e Shqipërisë në arenën ndërkombëtare, thotë kryeministri Rama.
“Takim me Kryetarin e Kuvendit të Mbretërisë së Bashkuar, Lindsay Hoyle, i cili shprehu keqardhje për retorikën shqetësuese ndaj shqiptarëve dhe duke nënvizuar domosdoshmërinë e luftës së përbashkët kundër rrjeteve kriminale, theksoi vlerat e pamohueshme të komunitetit shqiptar në Britani, si edhe ngriti lart rolin e Shqipërisë në arenën ndërkombëtare”, shkruan Rama.
