Kandidati i koalicionit Berisha-Meta, Lefter Maliqi u ka bërë premtimin qesharak punonjësve të Bashkisë së Kuçovës.
Maliqi shkruan se pas fitores imagjinare më 14 maj, çdo punonjës i bashkisë së Kuçovës do t’i rritet paga me 100 mijë lekëve të vjetra, ndërsa u ka bërë thirrje qytetarëve që të mos tundohen nga presioni i pushtetit.
“Të nderuar punonjës së Bashkisë, ju garantoj paga 100 mijë Lekë më të larta, pasi i keni më të ultat se çdo Bashki tjetër. Ju garantoj kushte shumë më të mira pune dhe mbështetje të plotë duke ju ri-kthyer dinjitetin. Mos u tundoni nga presionet dhe shpifjet e karriges së bërë pis me paaftësi, korrupsion dhe imoralitet, por qëndroni dinjitoz se nuk ju heq njeri nga puna. Votoni të lirë kë të doni! Vota është e fshehtë”, shkruan ndër të tjera Maliqi.
