Kryeministri Edi Rama se fundmi foli për zgjedhjet e 14 majit, por edhe për jetën private. Rama është pyetur nga gazetarët nëse i mungon Zahos koha me të atin, pasi tani kreu i qeverisë është i angazhuar gjatë gjithë kohës me zgjedhjet lokale.
Kryeministri u shpreh se është një sakrificë për familjarët dhe se ndaj tyre ka një borxh që nuk do të mund ta shlyej kurrë.
A i ke munguar Zahos? “Për hir të vërtetës kjo është një punë që ka një sakrificë të madhe për ata që jetojnë me mua. Dhe borxhi i kohës, i angazhimit të nevojshëm dhe të zakonshëm është një borxh që vetëm thellohet dhe s’ka shans të lahet më. Është e vështirë për njerëzit e familjes që të jetojnë me një njeri që ka një angazhim të tillë” tha Rama.












