Në datën 12 maj Tiranapritet të zhurmojë nga mitingjet e mëdha politike, pasi tre forcat kryesore, PS, PD dhe koalicioni “Bashkë Fitojmë” kanë vendosur të mbyllin fushatën pikërisht në kryeqytet.
Kryetari i Partisë Socialiste, Edi Rama, kryetari i komanduar i PD, Enkelejd Alibeaj si dhe dy bashkëkryetarët e koalicionit “Bashkë Fitojmë”, Sali Berisha dhe Ilir Meta, pritet të organizojnë takime respektive në Tiranë, ditën e fundit të fushatës për zgjedhjet vendore.
PS kërkon një mandat tjetër me kryebashkiakun Erion Veliaj, përballë të cilit garon Belind Këlliç, Roland Bejko, Arlind Qorri dhe Lajla Përnaska.
