Analisti i njohur, Baton Haxhiu përgëzoi kryeministrin Edi Rama për qëndrimet e tij dhe draftin e propozuar për të sjellë qetësinë në veri të Kosovës.
Gazetari Baton Haxhiu tha në emisionin “Opinion” se BE dhe SHBA kanë ndërprerë çdo komunikim me Albin Kurtin dhe se tashmë e vetmja pikë komunikimi është kryeministri Rama. Lidhur me draftin e Ramës për asosacionin, Haxhiu tha se është punuar me njerëzit më të mirë që ka Kosova. Gjithashtu Baton Haxhiu theksoi se Edi Rama është shpëtimi i vetëm për Kosovën.
“Edi Rama është shpëtimi i vetëm për Kosovën. I vetmi shpëtimtar i Kosovës në këto momente është Edi Rama. Nuk ka adresë Kosova, është mbyllë adresa e kryeministrisë, është mbyllë adresa e presidencës. Sanksionet janë afër. Nuk ka më dialog, ka vetëm nënshkrim”, tha Haxhiu.
