Kryeministri Edi Rama ka reaguar lidhur me rrëmbimin e 3 policëve të Kosovës.
Rama thotë se kushdo që kërkon t’i hedhë benzinë zjarrit duke ngritur akuza, nuk do t’ja dijë për Kosovën dhe Shqipërinë, por vetëm për luftën dhe interesat e tyre politike. Rama deklaroi se Shqipëria, ka të njëjtën linjë si NATO e cila dikur bombardoi Serbinë dhe krijoi shtetin e Kosovës.
“Kush thotë se po heshtim apo kush kërkon t’i hedhim benzinë zjarrit duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë. Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë de-eskalimit imediat!”, shkruan Rama.
