Kreu i Grupit Parlamentar të PS-së, Taulant Balla ka deklaruar se qeveria shqiptare është gjithmonë në krah të popullit të Kosovës.
Gjithashtu Balla nuk kurseu kritikat ndaj opozitës së Sali Berishës për të cilën tha se nuk do t’ia dijë për Kosovën të cilën e përdor si “vegël” për të goditur kryeministrin Edi Rama.
“Ndjej keqardhje që kemi ende në këtë sallë që frymëzohen nga politikanë që sapo hynë (Berisha) dhe që një gjë të gjithë e dimë, as nuk duan t’ia dinë për Kosovën, as nuk duan t’ia dinë për Shqipërinë, por i duan për tu stërhumbur përsëri këtu mes nesh për debatin politik të ditës dhe për ta përdorur Kosovën tonë të dashur mish për top për të gjuajtur kryeministrin dhe Shqipërinë. Shqipëria nuk ka asnjë dyshim, është gjithmonë pranë popullit të Kosovës. Por mos harroni që jemi një vend anëtar i NATO-s. Shqipëria duhet të jetë në të njëjtën linjë me Aleancën”, tha Balla.
