Sali Berisha ka ashpërsuar qëndrimin ndaj kryeministrit Edi Rama, duke kërkuar largimin e tij nga detyra dhe duke garantuar se opozita do të vijojë të mbështesë protestën e studentëve.
Në një deklaratë për mediat, Berisha u shpreh se Partia Demokratike dhe mbështetësit e saj në të gjithë Shqipërinë nuk do të tërhiqen nga qëndrimi i tyre, pavarësisht mënyrës se si, sipas tij, qeveria dhe strukturat shtetërore po reagojnë ndaj protestës.
“Jam këtu për të paralajmëruar Edi Ramën se asnjë provokacion, asnjë akt i tij, policisë së tij kriminale dhe shërbimit të tij, nuk do mund të cenojë mbështetjen e plotë dhe totale të Partisë Demokratike, anëtarëve, mbështetësve të saj në mbarë Shqipërinë, për protestën studentore”, deklaroi Berisha.
Berisha i kërkoi kryeministrit të zgjedhë largimin nga pushteti, duke e paraqitur këtë si alternativën ndaj fatit të Çausheskut.
“Sikundër, i sugjeroj që midis fatit të Çausheskut dhe fatit të Ramiz Alisë, të zgjedhë këtë të dytin. Rrugë tjetër nuk ka, të japë dorëheqjen”, ka thënë Berisha.
