Shumë zona me densitet të lartë urban vuajnë mungesën e parqeve, lojërave dhe lehtësive sportive.
Me synim krijimin e një hapësire publike me cilësi të lartë dhe kushte gjithëpërfshirëse që do të mundësojë ringjalljen e jetës komunitare dhe konsolidimin e frymës së komunitetit aktiv, Fondi Shqiptar i Zhvillimit po zbaton në disa bashki programin kombëtar “Dua të luaj”.
Kryeministri Edi Rama ndau sot foto nga projekti i kompleksit të fushave që do të ndërtohen në Berat, pjesë e programit të ri kombëtar.
“Ky është kompleksi i fushave që do të ndërtohen në Berat, pjesë e programit të ri kombëtar të Fondit Shqiptar të Zhvillimit, “DUA TË LUAJ” ju uroj një ditë të mbarë”, shkruan Edi Rama.
