Pas 5 orësh ish-zv/kryeministri Arben Ahmetaj ka dalë nga ambientet e Prokurorisë së Posaçme kundër Korrupsionit dhe Krimit të Organizuar.
Ahmetaj nuk ka pranuar të japë deklaratë për mediat, teksa pas daljes ka thënë se u paraqit ne SPAK vetëm për të sqaruar pozicionin e tij.
“Sqarova pozicionin tim, do vij sa herë të duhet”- është shprehur Ahmetaj teksa largohej nga godina e SPAK.
I druheni arrestimit? “Faleminderit! Të jeni mirë të gjithë. Sa herë të duhet”, tha shkurtimisht Ahmetaj i cili akuzohet nga SPAK për shpërdorim detyre, korrupsion, pastrim parash dhe përfitime të paligjshme.
