Kryeministri Edi Rama njoftoi se ka vendosur të ndërpresë pa afat marrëdhëniet me Serbinë duke premtuar se kjo “pikë zero”, siç tha ai, që ka shpënë dy vendet do të zhbllokohet vetëm pasi të lirohen tre policët kosovare.
“Këtu bëhet fjalë për marrëdhënie, të cilat kthehen në një pikë zero që do të thotë nuk ka marrëdhënie. Natyrisht, ne nuk do ndalojmë tregtinë, nuk do ndalojmë asgjë, por ama nuk ka marrëdhënie, nuk ka komunikim tjetër. Çdo komunikim në çdo nivel me Serbinë do jetë “Lironi 3 policët” deri kur ata të lirohen.”, tha fillimisht Rama.
Ndërsa i pyetur nëse do të vazhdojë apo do te “shkrihet” procesi i quajtur “Ballkani i Hapur”, Edi Rama u përgjigje: “Jo, nuk ka asnjë takim, nuk ka asnjë zhvillim tjetër. Çdo kanal komunikimi ka vetëm një fjali: lironi tre policët e Kosovës. S’ka asgjë tjetër, fare”.
