Kryetari i Partisë Demokratike, Sali Berisha ka kërkuar dorëheqjen e menjëhershme të kryeministrit Edi Rama dhe krijimin e një qeverie teknike, duke e cilësuar këtë si zgjidhjen e vetme politike për daljen nga kriza.
Në një deklaratë për mediat ditën e sotme, Berisha shprehu mirënjohjen për kongresmenët amerikanë Keith Self dhe Robert Aderholt, për deklaratat e tyre në mbështetje të protestës studentore.
Berisha akuzoi gjithashtu policinë për dhunë ndaj studentëve dhe gjimnazistëve gjatë protestave, duke përmendur përdorimin e gazit lotsjellës, plumbave të gomës dhe forcës fizike.
“Unë sot dua të ndalem pak në monologun vulgar të Padrinos së vendit dhe theksoj: Edi Rama jep dorëheqjen, çdo cak është kaluar, çdo vijë e kuqe është shkelur. Fjalimet nga zyra nuk e kthejnë dot stabilitetin në vend. Videot në 6 të mëngjesit ku ti vjell vrerin e zi nuk qetësojnë dot situatën alarmante ku ndodhet Shqipëria prej një javë. Dokrrat me armiq të brendshëm dhe të jashtëm i ke trashëgimi gjenetike nga etërit e tu mizorë.
Ka vetëm një zgjidhje për të rikthyer normalitetin në këtë vend dhe e kanë shprehur me qartësi si kristali ata dhjetëra mijëra studentë e gjimnazistë këto ditë të protestës së tyre heroike.Ajo zgjidhje është: Rama jep dorëheqjen. Kjo kërkesë është shprehur qartë edhe nga qindra mijëra qytetarë që mbështesin studentët nga shtëpitë e tyre dhe absolutisht po të jetë nevoja edhe ata do zbresin në shesh krahas djemve dhe vajzave të tyre, ndaj mos e provoko më situatën më tej. Zgjidhja është vetëm një: “Jep dorëheqjen menjëher딓, tha Berisha.
