Ish-zëvendëskryeministri Arben Ahmetaj ka reaguar pak para se Kuvendi t’i hapë rrugë kërkesës së SPAK për arrestimin e tij.
Ahmetaj jep një mesazh për qytetarët, për votuesit që i besuan, për deputetët e mazhorancës e të opozitës, por edhe një mesazh për reformën në drejtësi. Ahmetaj shkruan se kush qeveris e punon nuk është perfekt, e për këtë kërkon një ndjesë publike.
Më tej, në mesazhin për deputetët e parlamentit të Shqipërisë shkruan se e kupton nxitimin e tyre, pasi reforma e re kërkon statistike. Ndër rreshta, Ahmetaj ka përmendur edhe një thënie të vjetër nga Franca “E shoh që dy zgjidhje të mundshme ka në tavolinë, ose do të bjerë koka e mbretit, ose ju do të duhet të pranoni dështimin e revolucionit”.
Në fund, Ahmetaj thotë se “ditë pas ditë do të nxjerrë të vërtetën….”
