Ish-ministri i Mbrojtjes, Fatmir Mediu është tërhequr nga gjykimi i shkurtuar sa i përket çështjes “Gërdeci”. Avokatët e tij i kanë bërë kërkesë Gjykatës për gjykim të zakonshëm.
Mbrojtja e Mediut kërkon të pyeten të paktën 3 subjekte që jetojnë në vende të ndryshme (SHBA, Britani, Itali), të pyeten personat që kanë qenë të pandehur për ngjarjen dhe të bëhet ekspertizë e re për shkaqet e shpërthimit (gjetjen e shkaqeve të shpërthimit ne Gerdec).
Aktualisht gjykata është tërhequr në Dhomë Këshillimi për të vendosur nëse do pranohet kërkesa e avokatëve të Mediut, të cilët hoqën dorë nga gjykimi i shkurtuar. Nëse togat e zeza vendosin pranimin e kërkesës, seanca shtyhet për t’i hapur rrugë procesit të zakonshëm, në të kundërt, Prokuroria e Posaçme do të lexojë pretencën ndaj Mediut.
