Rënia e euros në raport me lekun ka qenë një ndër temat më të diskutuara kohët e fundit në Shqipëri.
Pavarësisht se euro nuk është monedha bazë e vendit, ky nënçmim i euros në raport me lekun ka prekur edhe ekonominë shqiptare.
Thirrja e biznesmenit Zef Shtjefni shkon drejt institucioneve, për ta hequr lekun si monedhë dhe të funksionojmë me euron në çdo sektor, aq më tepër thotë që “ne drejt asaj jemi duke vepruar”, momenti ideal, për të bërë ndërrimin, sipas Shtjefnit.
“Euro nuk mund të jetë kaq e dobët përballë lekut dhe anasjellas. Unë i frikem një cunami ose tërmeti që i kemi kaluar më parë. Parashikohet ta kalojmë shifrën prej 8 milionë turistësh këtë vit. Fluksi i madh i hyrjes së euros, e ka gjetur tregun tonë të papërgatitur. Mund të them se është momenti ta heqim fare lekun. Sepse ka spekulim masiv. Kosova ka kohë që punon me euro. Ne drejt euros vrapojmë të shkojmë. 1 me 1 po shkon, po të na dëgjojnë bëjnë mirë që të vendosin pikërisht tani që ta heqin fare. T’i kemi të gjitha në euro, do të ishte momenti më ideal, për të mos dëmtuar më lekun”, tha biznsmeni.
