816 infermierë dhe profesionistë të Shkencave Mjekësore Teknike janë punësuar gjatë këtij viti në qendra shëndetësore dhe spitale.
Lajmi është konfirmuar nga kryeministri Edi Rama i cili thekson se mjeket dhe infermieret janë punësuar në qendrat shëndetësore nga veriu në jug të vendit.
“Me lajmin e mirë se 816 infermierë dhe profesionistë të Shkencave Mjekësore Teknike janë punësuar me meritë vetëm gjatë këtij viti, përmes portalit online “Infermierë për Shqipërinë”, në qendra shëndetësore dhe spitale, nga veriu në jug, për të shërbyer sa më pranë komunitetit, ju uroj një ditë të mbarë”-shkruan Rama.
