Janë sheshuar konfliktet mes kryeministrave Albin Kurti dhe Edi Rama. Kjo u pa më së mirë gjatë pjesëmarrjes së dy liderëve në Forumin Strategjik të Bledit, ku Kurti dhe Rama u panë krah njëri tjetrit në në darkën e punës të ftuar nga kryeministri i Sllovenisë, Robert Golob.
Ambasadori i Shqipërisë në Kosovë, Qemal Minxhozi deklaroi se midis dy liderëve nuk ka hatërmbetje dhe mosmarrëveshjet tashmë janë kaluar. Minxhozi tha se Kurti do të jetë në Samitin që pritet të mbahet në Tiranë në kuadër të Procesit të Berlinit.
“Midis Kurtit dhe Ramës nuk ka hatërmbetje, por janë disa gjëra momentale që janë kapërcyer shumë mirë midis dy liderve. Pjesëmarrja në një Samit të përbashkët tregon se mes tyre gjërat janë kaluar. Prej kohësh ne e dimë se kush do merrte pjesë në Samit. Edhe në samitin që pritet të mbahet në Tiranë më 16 tetor, prapësëprapë Kurti do të vi aty për të shkëmbyer mendime”, tha Minxhozi.
