Kombëtarja kuqezi nuk ka kujtime të mira nga përballja me polakët, teksa ne histori shënon 1 fitore, 3 barazime dhe 10 humbje. Fitorja e vetme daton 70 vite më parë, në vitin e largët 1953.
Sa i takon dy ndeshjeve të fundit, polakët kanë fituar kundër tanëve me rezultatin 1-0 në Tiranë dhe 0-1 në Varshavë. Në të dyja takimet autori i golave ka qenë Karol Swiderski. 26-vjeçari nuk është ylli më i madh i polakëve, teksa luan në SHBA me Charlote FC.
Sulmuesi që vlen 6 milionë euro në treg, ka treguar se i ka kuqezinjtë “gjahun e preferuar”. Nëse ai do e nisë ndeshjen nga minuta e parë, sigurisht që mbrojtja kuqezi nuk do jetë e fokusuar vetëm te Lewandowski.
