GJKKO cakton datën 14 shtator për seancën e parë ndaj kryebashkiakut të zgjedhur të Himarës Fredi Beleri i cili akuzohet nga SPAK për blerje votash.
Më 14 shtator Beleri pritet të jetë i pranishëm në seancën paraprake. Ndërkohë ai ka paraqitur sot dy rekurse të reja në Gjykatën e Lartë. Në një prej tyre kryebashkiaku i zgjedhur i Himarës kërkon vlerësimin e paligjshëm të arrestit në flagrancë.
Në rekursin tjetër Beleri kërkon të shpallen të paligjshme përgjimet e kryera nga Prokuroria e Vlorës për lejimin e përgjimit të fshehtë fotografik audio e video të personit të infiltruar. Beleri ka bërë dy kërkesa për leje të veçantë, por burgjet ia kanë refuzuar.
Gjithashtu çështja “Beleri” ka vendosur marrëdhënie të “akullta” mes Shqipërisë dhe Greqisë dhe replika në distancë mes Ramës dhe Mitsotakis.
