Lulzim Basha është emëruar “reporter” për konfiskimin e aseteve ruse dhe përdorimin e tyre për riparimin e dëmeve të shkaktuara nga lufta në Ukrainë.
Ditën e sotme Këshilli i Europës ka votuar me unanimitet për të emëruar Bashën në këtë pozicion të rëndesishem. Diçka të tillë e ka kërkuar edhe presidentja e Komisionit Europian, Ursula von der Leyen, pra që Rusia të kompensojë dëmet e shkaktuara në Ukrainë dhe të mbulojë kostot për rindërtimin e vendit.
Kujtojmë se më herët Basha kishte paraqitur një projekt-rezolutë në Këshillin e Europës, që bënte thirrje për konfiskimin e aseteve ruse, krijimin e një fondi ndërkombëtar ku të depozitohen asetet e konfiskuara dhe vendosjen e këtyre fondeve në dispozicion të financimit për projektet e rindërtimit të Ukrainës.
