Dy efektivë civilë të Policisë së Shtetit janë shfaqur mbrëmjen e sotme në selinë e PD-së, atje ku ndodhet ish-Kryeministri Sali Berisha.
Pritet që agjentët t’i komunikojnë Berishës akuzat për të cilat është vendosur ndaj tij masa e “detyrimit të paraqitjes”, si dhe t’i merret pasaporta, në kuadrin e një vendimi të GJKKO që i ndalon daljen jashtë vendit.
Agjentët Gentian Ndoi dhe Elvis Doda u ngjitën fillimisht në katin e dytë, ecën në korridorin e ish SHQUPIT, ndërsa në një moment u futën në një zyrë për të pritur Berishën.
Nga raportimet mësohet se dy zyrtarët i përkasin sektorit të Krimit Ekonomik dhe Pastrimit të Parave në Policinë e Shtetit. Berisha erdhi në seli pak orë pas arrestimit të dhëndrit të tij, dhe mbajti një konferencë për shtyp ku e mbrojti ndërsa akuzat ndaj tij dhe dhëndrit i cilësoi si politike.
