Juristi Romeo Kara thotë se Sali Berisha do të paraqitet në gjykatë me patjetër në lidhje me masën e caktuar ‘detyrim paraqitje’ për aferën e privatizimit të ish-kompleksit sportiv Partizani.
Në një intervistë për Report Tv, juristi Romeo Kara ka zbuluar prapaskenat se çfarë pritet të ndodhë ditët në vijim me Sali Berishën për të cilin tha se do të paraqitet si “çeço” në Gjykatë.
‘‘Ka qenë i zhveshur nga çdo vlerë morale që duhet të ketë një burrë shteti. Tani pozitat e tij po rëndohen edhe ligjërisht. Një person që ka kapur shtetin, ka rrëzuar çdo siguri juridike dhe që ka luajtur me kapjen e sistemit të drejtësisë. Ka qeverisur në mënyrë kaq flagrante në kundërshtim me ligjin, është e vështirë të gjesh një qeverisje në zbatim të ligjit në qeverisjen e tij. Gjykatësja ka pasur bindjen e plotë. Me të njëjtën akuzë është marrë në hetim Sali Berisha për të cilin është dhënë një masë parandaluese mos të largohet. Duhej të merrej një masë e tillë. Që në momentin që t’i hiqet mandate, duhej bllokuar pasaporta. Besoj se do të votohet që t’i hiqet mandati. Me këtë vendim do të paraqitet dhe t’i mbushte mendja se nuk është mbi ligjin. Do shkojë ne Gjykate si ‘çeço’ dhe nuk do të guxojë që të bëjë asnjë veprim tjetër”,- tha Romeo Kara.
