GJKKO ka lënë në fuqi masën e sigurisë “arrest në burg” për Jamarbër Malltezin, dhëndrin e Sali Berishës në lidhje me aferën e ish kompleksit Partizani.
Malltezi është duke kundërshtuar akuzat, ndërsa avokatët kanë pretenduar se nuk ka vepër penale dhe klienti i tyre duhet të dalë nga burgu.
Seanca nisi fillimisht në orën 13:30 të ditës së sotme, por u shty më pas për 2 orë, për shkak se gjykatësit kërkuan më shumë kohë për t’u njohur me dosjen.
Kujtojmë se ish-kryeministri Berisha dhe dhëndri i tij Jamarbër Malltezi akuzohen nga SPAK për privatizimin e ish-kompleksit Partizani në kryeqytet. Berisha përballet me akuzën e ‘korrupsionit pasiv’, ndërsa Malltezi per ‘korrupsion’ dhe ‘pastrim të produkteve’ të veprës penale.
