Sot është një ditë speciale pasi ish-ministri i Brendshëm, Saimir Tahiri feston ditëlindjen.
“Ministri Kampion” i artikuluar shpesh herë nga kryeministri Edi Rama ditën e sotme mbush 44 vjeç dhe pavarësisht se është shkëputur nga jeta politike, ai vazhdon gëzon një popullaritet të madh tek socialistët.
Ishte viti 2013, kur jeta e Tahirit mori një ngjitje të fortë. Pas fitores së zgjedhjeve, Edi Rama kishte zgjedhur pikërisht emrin e tij në krye të ministrisë më të rëndësishme në vend, asaj të punëve të brendshme.
Pushteti i Tahirit nisi të binte shpejt në sy, teksa forcoi rregullat e qarkullimit rrugor, deklaroi luftën kundër krimit dhe narkotikëve dhe shfaqi një profil mjaft popullor. Tahiri do të mbahet mend nga të gjithë për mega-operacionin kundër kanabisit në Lazarat.
“Rilindje.info” i uron edhe 100 vite të tjera ish-ministrit Saimir Tahirit.
