Kryeministri Edi Rama ka mbajtur ditën e sotme një konferencë për shtyp teksa foli për “21 Janarin”.
Gjatë fjalës së tij Rama ka cituar vendimin e Gjykatës së Strasburgut, që evidentoi dy shkelje në këtë çështje: vrasjen dhe më pas moszbardhjen e vrasjes.
“Gjykata e Strasburgut ka nxjerrë një vendim shumë domethënës, shumë kuptimplotë, shumë të qartë lidhur me një krim shtetëror, që prej më shumë se 1 dekade është mbuluar nga pluhuri. Jam këtu për të risjellë peshën e jashtëzakonshme të këtij vendimi. Krime shtetërore si ai 21 Janarit, historia tregon se vonojnë shumë, por nuk mbeten kurrë pa u zbardhur.
Prokuroria e Tiranës është tallur me përbuzje me Kushtetutën, me ligjin, edhe me dhimbjen e familjarëve të viktimave, por edhe të gjithë shoq për të njohur deri në fund të vërtetën. E ka trajtuar si leckë një provë të re të dalë para disa muajsh. Është kohë që drejtësia e re të reagojë, pasi që kur ky krim ka marrë rrugët e prokurorive e gjykatave, ka ndryshuar struktura e drejtësisë dhe personaliteteve.
Urdhri ka ardhur nga maja, por nga ana tjetër, Gjykata vë gishtin edhe te krimi i pengimit të drejtësisë. Është e qartë në vendim se autoritetet ekzekutive kanë peng në mënyrën më brutale zbardhjen e këtij krimi“, tha Rama.
