Mesnatën e së hënës ka ndërruar jetë 14-vjeçari Arjol Dervishaj i cili u përfshi në një aksident tragjik më 21 nëntor në aksin rrugor Stjar – Bajkaj, në Sarandë.
Pas disa ditësh kurim në reanimacion në Spitalin e Traumës në kryeqytet, adoleshenti nuk ka mundur t’i mbijetojë plagëve të rënda që mori nga përplasja fatale.
Nga aksidenti ku u lënduan tre minorenë, 14-vjeçari ishte më i dëmtuari rëndë në kokë. Arjol Dervishaj, 14-vjeçari nga fshati Vllahati, ishte pasagjer në makinë me shokët e tjerë në mjetin që u përplas në Bajkaj, pak ditë më parë.
Viktima po udhëtonte bashkë me dy shokët e tij të mitur dhe shofer i mjetit ishte një 14-vjeçar!
