Kryeministri Rama ka folur për digjitalizimin e shërbimeve në Shqipëri, të cilin e cilëson një sukses.
Ndërsa sportelet e Kadastrës, të cilat u mbyllën këtë vit dhe u transferuan online, Rama i cilëson si “turpin e Partisë Socialiste”.
“Sot Shqipëria është i vetmi vend në rajon dhe një ndër të paktët në Evropë që s’ka sportele shërbimesh. Më në fund këtë vit u mbyllën sportelet e turpit të PS. Nëse ka pasur një turp për PS, ka qenë hipoteka. U mbyllën dhe ato. Sot nuk ka sportele. 8.7 milionë shërbime janë dhënë në 2022 për qytetarët pa radha, pa lekë dhe 11 milionë shërbime deri në nëntor të këtij viti. Sa herë të hapë celularin do t’i shkruajë shërbëtorit(sherbimit online), shërbëtori do t’i thotë “këtu jam”. Vitin e ardhshëm shërbëtori do dalë me dytyrë dhe me zë”, tha Rama.












