Çmimi i “Big Brother VIP Albania 3” ka zbritur nga 100 mijë euro në 80 mijë euro me vendim të Vëllait të Madh pas prishjes së rregullave të lojës.
Egla vendosi të lërë sfidën e fermës, ç’ka i kushtoi 20 mijë euro minus çmimit të madh. Egla u arsyetua se nuk mund ta përballonte, ndërsa banorët nuk e pritën aspak mirë pasi ishte vetë ajo që kërkoi të bëhej pjesë e sfidës.
“Banorë, Egla ka vendosur të dalë nga ferma. Ferma që do qëndrojë e hapur dhe ata që do ju përkushtohen më shumë kafshëve deri të premten, do të fitojnë imunitet. Lojërat dhe sfidat nuk merren me seriozitet nga ana juaj, në vijim do të ketë penalizime”, thuhej në zarfin e Vëllait të Madh.
