Vëllai i kryeministrit të Shqiperise, Olsi Rama rrëfeu jetën e tik private dhe periudhën si emigrant në SHBA duke u shprehur se e ka nisur duke punuar si kamarier.
Ndër të tjera ai tha se ka punuar si hamall në ishullin e Korfuzit në Greqi.
“Puna ime e parë e paguar ka qenë basketbolli. Jeta më ka bërë që të provoj të jem hamall. Kam qenë në Greqi, kam ndenjur dy vera, në Korfuz, dhe një verë punova. Punova te kushëriri i sime mëje që ishte me origjinë nga Vunoi, që ishte shpërndarësi kryesor i birrës dhe i Pepsit, dhe isha hamall duke ngritur arka. Merrje një rrogë. Nuk e bëra për punën e lekëve, ishte një kërkesë e imja për ta parë si do ta përballoja unë kapitalizmin, sepse ka qenë viti 91’ dhe 92’. Kurse në Amerikë kam punuar kamarier në një restorant shumë të mirë në Çikago. Ka qenë një nga eksperiencat më të vlefshme të jetës sime, nga kamerier u bëra menaxher zyre dhe pastaj menaxher i gjithë restorantit”, tregon Olsi Rama.
