Sulmuesi Sokol Çikalleshi ka marrë vendimin ekstrem për t’u tërhequr nga Kombëtarja e Shqipërisë, në shenjë “hakmarrje” një ditë pasi trajneri Sylvinho e la jashtë Europianit.
Sulmuesi shkruan se ky është fundi i një rrugëtimi dhe “i lutet zotit që shokët e tjerë të kombëtares të kenë sukses në Evropian”.
Çikalleshi (33 vjeç) ishte pjesë e kombëtares për gati 10 vite dhe ka dhënë një kontribut të vyer, duke qenë një nga sulmuesit kryesor të ekipit “kuqezi”. Mungesa e tij në ‘Euro2024’, ishte një surprizë e madhe për të gjithë, pasi ka qenë titullar në të gjitha ndeshjet eliminatore me Kombetaren.
Sylvinho u shpreh se i ka studiuar mirë kundërshtarët dhe është munduar të thërrasë në Kombëtare lojtarë të cilët do i duhen për të paktën 3 ndeshjet në grup.
