Si kurrë më parë Shqipëria është e “pushtuar” nga numri i madh i turistëve. Vendi ynë ka vijuar të mbetet një “magnet” për të huajt në katër muajt e parë të këtij viti duke shënuar rritje dyshifrore të hyrjes së turistëve.
Të dhënat zyrtare të Lëvizjes së Shtetasve tregojnë se në janar-prill kanë hyrë në territorin e vendit mbi 2.3 milionë të huaj me një rritje 29.3% në raport me një vit më parë.
“Në Prill 2024, numri i shtetasve shqiptarë që kanë hyrë në territorin shqiptar është 609.351, duke pësuar një rritje me 11,3%, krahasuar me Prill 2023. Numri i shtetasve të huaj që kanë hyrë në territorin shqiptar është 794.129. Ky numër është rritur me 29,3%, krahasuar me të njëjtën periudhë të vitit 2023” vlerëson INSTAT.
Ndërkohë gjatë muajit Prill 2024, rezultojnë të kenë hyrë, në territorin shqiptar, 1.4milionë shtetas shqiptar dhe të huaj. Ky tregues ka pësuar një rritje me 20,8%, krahasuar me Prill 2023.
