Fredi Beleri është zyrtarisht eurodeputet dhe pritet të përfaqësojë shtetin grek në Parlamentin Europian. Por pak njerëz e dinë sa është paga mujore e një euro-deputeti?
Nga të dhënat zyrtare nga faqja kryesore e Parlamentit Europian, paga mujore e çdo anëtari është e njëjtë për të gjithë.
Pra e thënë ndryshe, paga mujtore e Fredi Belerit si Eurodeputet do të jetë 10.075,18 Euro bruto dhe 7.853,89 Euro neto, pas zbritjes së taksave të BE-së dhe kontributeve të sigurimit.
Paga e tyre ndryshon vetëm në varësi të taksave shtesë që mund të vendosin shtetet e tyre, që dmth se ka shtete që mund të vendosin taksa shtesë kombëtare, shifrat përfundimtare neto varen nga regjimi tatimor i vendit të origjinës së deputetit.
Ish-deputetët kanë të drejtën e pensionit kur mbushin 63 vjeç dhe shifra që përfitojnë është e barabartë me 3,5% të pagës së tyre për çdo vit të plotë në detyrë dhe një të dymbëdhjetën e saj për çdo muaj tjetër të plotë.
