Ish-ministri i Brendshëm, Saimir Tahiri është paraqitur mesditën e sotme në Prokurorinë e Posaçme.
Tahiri ishte i shoqëruar nga avokati Maks Haxhia, ndërsa është thirrur nga prokurori Elvin Goga në lidhje me një ‘hetimin pasuror’ që është hapur ndaj Ish-ministrit të Brendshëm.
Më 4 shkurt të vitit 2022, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’, por me gjykim të shkurtuar dënimi u ul në 3 vite e 4 muaj burgim.
Tahiri qëndroi vetëm 1 vit e 4 muaj në qeli, deri në qershor 2023 kur dhe u mor vendimi që vuajtja e dënimit të mbetur të kryhej në banesë.
