Është hapur zyrtarisht gara për ndërtimin e portit të ri tregtar në Porto Romano.
I pranishëm ishte kryeministri Edi Rama, i cili u shpreh se ky investim do të sjellë mundësi të reja punësimi me rroga dinjitoze. Mes të tjerash, Rama iu bëri thirrje emigrantëve në Greqi e jo vetëm, që të rikthehen në Shqipëri dhe të punojnë në këtë port.
“Porti do të sjellë punësim dhe punësim cilësor të mirëpaguar. Ne po bëjmë për arsim profesional për t’i thënë shqiptarëve që punonë në Greqi, mos rrijnë atje të pastroni hotele, lajnë pjata, bëjnë shërbime si kamarierë, kuzhinierë dhe janë të përfshirë në gjitha shërbimet që kanë të bëjnë me turizmin, por të vijnë në Shqipëri pa humbur kohë se në mënyrë absolute, me laps e letër, iu ngelet më shumë para këtu sesa në Greqi“, tha Rama.












