Gjatë fjalës së tij në prezantimin e modelit të Prokurimit të Përqendruar, kryeministri Rama zbuloi ditën e sotme se krahs ministres me Inteligjencës Artificiale “Diella” do të bashkohet dhe Gjoni, roli i të cilit do jetë në fokus të proceseve të prokurorimeve publike.
Duke folur për bashkimin e “Diellës” dhe “Gjonit”, kryeministri Rama zbuloi sot se sfida e dyshe do të jetë realizimi i kontratave dhe lidhja e tyre.
“Është edhe Gjoni që do të shfaqet së shpejti në këtë fushë, i cili do të merret specifikisht me një sërë procesesh të prokurimeve publike. Kur Diella bashkë me Gjonin do të jenë shumë më tepër në zotërim të procesit, atëherë besoj që dhe dua të shpresoj që krijohet bindja që po ka fitues me të drejtë dhe ka humbës me meritë. Patjetër që sfida e sfidave mbetet realizimi i kontratave dhe lidhja e tyre. Nga realizimi i kontratave dhe deri në përfundim ka dobësi që ndonjëherë janë dramatike. Saqë ndonjëherë opinioni publik sakëlldiset” tha Rama.
Mesditën e kësaj të mërkure, kryeministri Rama prezantoi modelin e ri të Prokurimeve të Përqendruara, i cili synon të rrisë transparencën, sigurinë dhe eficiencën në realizimin e prokurimeve publike, duke ulur kostot dhe burokracitë për institucionet dhe sipërmarrjen.
Gjatë fjalës së tij, kryeministri zbuloi se ministres Diella do i shtohen forcat, pais krahahas saj do të jetë së shpejti dhe Gjoni, roli i të cilit do të jetë të merret me proeceset e prokurorimeve publike.
Po ashtu bëri me dije se përmes sistemi të ri, i cili do të integrohet në buxhetin e ardhshëm dhe do të mbështetet në platformë eklektronike unike pjesë e të cilës do të jetë dhe IA, për çka theksoi se synohet të garantohet më shumë qartësi, shpejtësi dhe transparencë në procedruat e prokurimit publik, nmë mënyrë që shërbimet shqiptare të përafrohen me standartet europiane.
Më tej, kryeministri bëri me dije se së shpejti inteligjenca artificiale do të përforcohet më tej në shërbimet ndaj bizneseve duke shtuar se asnjë nga këto të fundit nuk do të merren më me grumbullimin e letrave fizikisht, por dokumentet e nevojshme rreth tyre do i ketë në menaxhim ministrja Diella.
“Do të ketë shumë më tepër qartësi, shpejtësi, transparencë absolute dhe do të ketë ulje të konsiderueshme të kostove dhe eliminim të burokracisë.
E thënë me fjalë të thjeshta, asnjë biznes nuk do të mbledhë më letra lart e poshtë për të pasur mundësinë për të dorëzuar një ofertë për një prokurim publik, pasi gjithçka që lidhet me informacionin mbi një biznes do të kalojë nga Diella. Një dosje virtuale e çdo biznesi, ku mbi 40 regjistra publikë do të jenë aty për t’u hapur me një klik të vetëm, për të bërë gjithë punën që sot biznesi e bën duke angazhuar njerëz dhe duke konsumuar kohë e me pengesa të ndryshme.”,shtoi më tej Rama.












