Kryeministri Edi Rama ka bërë me dije se nga muaji janar deri në muajin korrik Shqipëria është vizituar nga 6.3 milionë turistë të huaj.
Nga toka apo ajri, sugjerim i shoqërisë apo dhe informim nga rrjetet sociale, turistët e huaj shkelën territorin shqiptar, mbi 20% më shumë se një vit më parë.
“Ne na e sugjeruan miqtë, kemi vizituar fillimisht Tiranën do vizitojmë dhe Durrësin. Na pëlqejnë të vizitojmë plazhet e Shqipërisë. Jemi nga Belgjika, na pëlqen shumë vendi, njerëzit shumë miqësorë”, tha turisti për “A2CNN”
Por cila është origjina e turistëve që vijnë në Shqipëri? Shqiptarët e Kosovës normalisht kryesojnë renditjen 6-mujorin e pare te vitit me 1.7 milionë. Vendin e dytë e mbajnë italianët me 486 mijë shtetas dhe më pas anglezët me plot 132 mijë shtetas që zgjodhën vendin tonë për të shpenzuar pushimet e tyre.
