Festivali mbarëkombëtar i komedisë “KoKo Fest 2024” ka ngritur siparin e edicionit të 11-të e cila do të sjellë trupat teatrore më të njohura nga Shqipëria, Kosova dhe Greqia.
“Koko Fest” për 8 netë me radhë në skenën e teatrit “Andon Zako Cajupi” të Korçës do të ngjiten komedi nga më të bukurat. Por aktori i mirënjohur, Mevlan Shanaj ka shpërthyer me kritika pasi në këtë event mungon Teatri i Fierit.
“Medalje ” Turpi” për Fierin! Sonte në Korçë në natën e dytë të ‘KoKoFest’, ndjeva trishtim që teatri i Fierit i krijuar me shumë mund që për një kohë të shkurtër ishte i radhitur si i barabartë me gjithë teatrot e vendit! Nuk është në program fare! Më parakaluan Neço Pogaçe, Nardi Poro, Hajrie Rondo, Fatos Sela, Muhamet Sheri, Koço Papadhopulli, Mina Koxhaku, Fuat Boçi, të cilëve do t’u thoja që teatrin e Fierit ca lanetër e kanë varrosur! Ajo shprehja e famshme “Po me urën çpatën”, shkon më së miri. Po me teatrin çpatët?!!!!”, shkruan Mevlan Shanaj.
