Presidenti i Serbisë, Aleksandër Vuçiç ka komentuar shortin e kualifikueseve të Kampionatit Botëror, ku Shqipëria dhe Serbia janë përballë njëra-tjetrës në Grupin K.
Vuçiç ka pranuar se përballja e parë me Shqipërinë në Tiranë do të jetë një sfidë e vështirë, ndërsa theksoi se përfaqësuesja serbe do të vijë për fitore.
“Shqipëria ka një skuadër të fortë, solide dhe serioze. Shqipëria është një kundërshtar i respektuar. Serbia është më e fortë dhe do të fitojmë. Ne kemi një kalendar të favorshëm dhe jam i bindur në suksesin e lojtarëve tanë. Ndeshja e parë në Tiranë do të jetë problematike, por kemi besim” u shpreh Vuçiç.
Gjithashtu, Vuçiç shtoi: “Marrëdhëniet me shqiptarët janë shumë më mirë tani. Do të ketë shumë pasion në këtë sfidë, por ne do të shkojmë në Tiranë për fitore“.
