Ministri i Mbrojtjes Niko Peleshi ka folur për mediat pas përfundimit të mbledhjes së qeverisë.
Peleshi u pyet se sa të sigurta janë paratë e shqiptarëve në banka, në kohën kur ka pasur sulme kibernetike, për këtë Peleshi bëri këtë koment:
“Jam anëtar i kabinetit dhe anëtarë i kabinetet për mbrojtjen kibernetike. Dihet botërisht se nuk ka siguri 100%. Askush nuk e ka këtë garanci. Nuk ka mur 100% të sigurta. E keqja vejnë edhe për mirë. Kemi rritur investimin dhe vigjilencën për mbrojtjen. Janë të gjithë të sfiduar nga këto sulme por nuk jemi vetëm. Jemi në mes të NATO-s kemi në krah partnerë të fortë si SHBA. Edhe gjatë sulmit të parë i kemi pasur afër. Dhe planet e ardhshme janë me këtë partneritet. Nuk fitohet lufta njëherë e mirë, por një luftë që vijon” tha Peleshi.
