Virusi “Metapneumovirusi Human” që po qarkullon në Kinë nuk është i ri. Ky lloj virusi është konfirmuar tek njerëzit prej vitit 2001, ndërsa edhe më herët janë evidentuar raste edhe në Shqipëri.
Sipas Drejtoreshës së Institutit të Shëndetit Publik, Eugena Tomini aktualisht nuk është zbuluar asnjë i prekur në vendin tonë.
Në Shqipëri po dominojnë infeksionet e rrugëve të sipërme të frymëmrrjes. Në qarkullim gjithashtu janë gripi dhe covid, por sipas autoriteteve shëndetsore deri tani kemi të bëjmë me një aktivitet sezonal normal, bën me dije Instituti i Shëndetit Publik.
“Metapneumovirusi Human” prek rrugët e frymëmarrjes, shfaqet si rrufë dhe çon deri në pneumoni. Përhapet përmes spërklave të personit të infektuar dhe sipërfaqeve të kontaminuara. Rrezik më të shtuar kanë fëmijët, të moshuarit dhe personat me imunitet të kompromentuar.
