Analisti Ilir Kulla i ftuar në “DritareTV” ka analizuar figurën politike të ish-kryeministrit Fatos Nano.
Analisti foli për gjendjen shëndetësore të tanishme të Nanos, i cili vitin që shkoi ishte disa muaj i shtruar në spital, në rrezik për jetën.
Pyetje: Si është me shëndet Fatos Nano?
Ilir Kulla: “Është mirë. Ka kaluar një periudhë shumë të vështirë. Është rehabilituar. Unë mbaj kontakte me Nanon akoma. Ai jeton në Tiranë. Dy, tre vitet e fundit ka kaluar probleme të rënda shëndetësore. Tani është në periudhë rehabilitimi. Ishte periudhë e vështirë, për pak iku nga kjo botë, ishte në rrezik për jetën. Tani e ka kapërcyer rrezikun. Fatos Nano ështe një burrë i madh shteti që ka dhënë kontribute për jetën demokratike të Shqipërisë, ka paguar me 4 vjet burg politik. Ka qenë 4 herë kryeministër dhe ka ditur të tërhiqet në kohën e duhur. Është njeriu që ka prodhuar më shumë politikanë se të tjerët si kryetar partie, përfshirë këtu Ramën, Metën, Majkon etj”
