Kryeministri Edi Rama në 14 vjetorin e ngjarjes tragjike të 21 Janarit ku u vranë 4 protestues është shprehur se drejtësia vonon por nuk harron.
Por, kreu i qeverisë shtoi se “sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë”.
“21 Janar🌹 “Drejtësia vonon po nuk harron”, thotë populli dhe sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë…”, shkroi Rama.
Dosja për “21 Janarin” po hetohet nga SPAK pas një vendimi të Gjykatës së Lartë më 12 mars 2024. Vendimi u mor pas rekursit të bërë nga familjarët e viktimave, Aleks Nika, Ziver Veizi, Hekuran Deda dhe Faik Myrtaj.












