Ajola Xoxa, bashkëshortja e Erion Veliajt, ka bërë lëvizjen e radhës kundër vendimit gjyqësor që lejoi SPAK për kontrollin e saj personal më 6 dhjetor 2024, ku iu sekuestrua aparati telefonik celular.
Pasi dështoi të rrezonte këtë vendim në Apelin e Posaçëm, Xoxa ka “trokitur” në Gjykatën e Lartë, ku ka depozituar një rekurs kundër vendimit të Apelit.
Burime të “A2 CNN” pranë Gjykatës së Posaçme bën me dije se vendimit në fjalë i është bërë rekurs edhe nga vëllai i Veliajt, Arbër Veliaj, apartamente dhe biznese të të cilit u kontrolluan në zbatim të të njëjtit vendim gjyqësor. Familjarët e Veliajt kërkojnë shfuqizim të vendimit të Apelit dhe kthim të sendeve të sekuestruara, me pretendimin se janë administruar nga agjentët e BKH në kundërshtim me dispozitat ligjore.
