Është publikuar sondazhi i “Euronews Albania” që tregon se nëse zgjedhjet do të mbaheshin sot, do t’i fitonte thellë Partia Socialiste.
Konkretisht, nëse zgjedhjet do të zhvillohen sot: 40.5% e qytetarëve thonë se do të votonin Partinë Socialiste dhe vetëm 24.9% e tyre do të votonin Partinë Demokratike të Sali Berishës.
Surpriza e zgjedhjeve nga partitë e reja pritet të jetë “Shqipëria Bëhet” e Adriatik Lapajt e cila merr 6.4% besimin e qytetarëve me mundësi potenciale për të marrë deputetë në Kuvend
Ndërkohë 3.1% e qytetarëve thonë se do të votonin partinë “Mundësia“ të Agron Shehajt. 2.2% tregojnë se do të votonin “Lëvizja Bashkë” të Arlind Qorit, kurse Partia e Ilir Metës merr vetëm 1.4% të votave.
