Analisti pranë PD, Agim Baçi komentoi protestën kombëtare të zhvilluar nga opozita pasditen e së shtunës.
Sipas Baçit, qëllimi i kësaj proteste nuk ishte që të rrëzonte Ramën, gjë që siç tha nuk ka ndodhur në asnjë protestë por një thirrje ndaj partive që të bëhen bashkë për të rrëzuar qeverinë.
“Ishte ftesë e një ditë më parë ndaj partive që nuk janë bashkuar me PD, është një demonstrim për të thënë që ne jemi ata që i mbledhim në shesh. Përgjithësisht protestat riorganizojnë jetën e brendshme të partisë, në këtë rast ishte një manifestim për të riorganizuar opozitën, nuk është se ishte një protestë që u nis për të rrëzuar Ramën, në Shqipëri nuk ka ndodhur ndonjëherë që protestat të rrëzojnë qeverinë”, tha Baçi./ Rilindje.info
