Me tensione, akuza të forta dhe ngritje zëri është shoqëruar kjo seancë plenare e cila u përmbyll dhe me ngjarjen e turpshme ku deputeti demokrat, Flamur Noka qëlloi me shishen e ujit ministrin Taulant Balla.
Në një moment kur ky i fundit po vijonte me akuzat ndaj Sali Berishes dhe po përmendte fitoren e Partisë Socialiste në zgjedhjet e 11 Majit, Noka i është “sulur” foltores së Kuvendit ku kanë qenë gardistët ata të cilët janë përpjekur ta pengojnë.
Por, siç shihet dhe nga pamjet e mëpotshme Noka ka marrë një shishe uji dhe e ka hedhur në drejtim të ministrit Balla.
“Merreni, merreni këtë të çmendur”, këto kanë qenë fjalët e ministrit Balla teksa garda po përpiqej që të largonte nga foltorja deputetin demokrat.
