Edi Paloka ka zbuluar pa dashje një detaj shumë të rëndësishëm lidhur me operacionin e arrestimit të kryebashkiakut Erion Veliaj.
Paloka ka pranuar me zë dhe figurë se është njoftuar në telefon para se të ekzekutohej urdhri nga SPAK, të cilën e ka përcjellë direkt tek grupi i WhatsApp të grupit të PD.
Paloka tha se menjëherë pas ardhjes së sms në telefon e ka përcjellë direkt te Whatsapp i grupit të PD.
“Në momentin që Berisha doli në konferencë për shtyp me LaCivita, shkrova në grup se tani prisni që Rama të sajojë ndonjë lajm për të sfumuar këtë. Për pak minuta më ka ardhur dhe lajmi se mund të arrestohej Erion Veliaj dhe ende nuk ishte ekzekutuar urdhri dhe e kam shkruar dhe këtë në grupin e deputetëve. Aty janë mesazhet e shkruar. Madje ata nuk e besuan dhe u tallën, më thonin, ti po thua që e arrestojnë, por ai është në media live. Por unë u thashë që ai ka qenë në media live, dhe kur ndodhej në Meksikë, mos u habisni me këtë u thashë, dhe në fakt doli që u arrestua”, deklaroi Paloka në News24.
Tani shpjegohet edhe prania e një kamere në hyrje të Bashkisë së Tiranës, e cila filmoi momentin e daljes së Veliajt nga bashkia e Tiranës.
